Дирекцијата за култура и уметност на Скопје (ДКУ) претставува еден од најзначајните носители и промотори на културниот живот во главниот град. Основана во далечната 1948 година, со што се вбројува меѓу организациите со најдолга и најбогата традиција во областа на културата во Македонија. Со повеќе од седум децении активно присуство, таа има изградено впечатлив континуитет во создавањето, промовирањето и поддршката на културните вредности на национално и меѓународно ниво.

Во рамките на својата мисија, Дирекцијата го насочува својот интерес кон сите области на уметничкото творештво – музика, театар, литература, филм, ликовна и применета уметност – негувајќи ги преку најразновидни форми на културна продукција и презентација: концерти, театарски и балетски претстави, изложби, издаваштво, промоции, филмски проекции, семинари, работилници и мултимедијални настани.

Покрај организирањето на програми преку кои се претставува творештвото на домашните и странските уметници, ДКУ активно ја развива и својата сопствена продукција, со која ја збогатува културната сцена на Скопје и пошироко.

Во нејзиното богато портфолио се вбројуваат драмски и балетски продукции, изложби на врвни македонски уметници, книжевни изданија, носачи на звук, видео и мултимедијални содржини, кои сведочат за долгорочната посветеност кон поддршката и афирмацијата на уметничкиот израз. Еден од најпрепознатливите белези на Дирекцијата е нејзината отвореност кон меѓународна соработка и интеркултурен дијалог. Во текот на своето постоење, ДКУ реализирала голем број заеднички проекти со институции, фестивали и културни организации од Европа и светот, со што активно придонесува кон промоцијата на македонската култура на меѓународната сцена.

Дирекцијата е основач и организатор на неколку традиционални манифестации од особено значење за градот Скопје, меѓу кои се фестивалите „Скопско лето“, „Есенски музички свечености“, „Блуз и Соул“, и манифестациите „Матурска Парада“, „Денови на Европско Скопје“ и други. Овие настани претставуваат значајни културни платформи кои ја збогатуваат понудата на градот и привлекуваат бројна домашна и странска публика.

Со јасно дефинирана визија за развој на културата како јавен интерес и како двигател на општествениот развој, ДКУ продолжува да ја негува традицијата на создавање и поддршка на автентични културни вредности, поттикнувајќи дијалог меѓу различните генерации, жанрови и уметнички практики. Преку својата програма, институцијата постојано тежнее да го подигне културниот живот на Скопје, претворајќи го градот во живо културно жариште кое ги поврзува уметниците, институциите и публиката.

Три фестивали претставуваат носечки културни иницијативи во Македонија, секој со свој уникатен пристап кон културниот развој – летен, урбан и мултижанровски („Скопско лето“), есенски, формален и фокусиран на класична и современата музика („Есенски музички свечености“) и специјализиран за блуз и соул жанрови, со нагласок на алтернативни сцени и интернационални изведувачи (Блуз и Соул фестивал) – кои заедно го обликуваат современиот културен пејзаж, промовирајќи јавна ангажираност, интернационализација и развој на домашното творештво.

Фестивалите „Скопско лето“, „Есенски музички свечености“ и Блуз и Соул фестивалот создаваат инклузивни платформи за размена и соработка, каде што различни жанрови (класична, современа, џез, етно, традиционална, блуз и соул музика), дисциплини (музика, театар, филм, визуелна уметност, литература) и културни перспективи се спојуваат во креативен и ангажиран дијалог. Со тоа се поттикнува граѓанска вклученост, културна мобилност и развој на локалната сцена во духот на отвореност, различност и еднакви можности.

Иако фестивалите традиционално се одржуваат во Скопје, во нивната програма се вклучени автори и изведувачи од други градови и земји, што ја зајакнува нивната улога како водечки платформи за културна кооперација и интернационална промоција на домашното творештво.

Изминатите пет и пол децении се исполнети со илјадници програми, десетици илјади учесници,стотици илјади посетители, но бројките и статистиката не мора секогаш да ја изразуваат суштината кога станува збор за остварувањата во творештвото и уметноста Затоа бројки се заменети со фактот на континуираното активно постоење, постојананата присутност меѓу уметниците и публиката.

Работата на Дирекцијата се темели на професионална организација, стратешко планирање и отворена соработка со културниот сектор. Нашиот пристап ги опфаќа следните клучни фази: